one hour ago: may tinatapos ako na office tasks. walang interesanteng detalye.
one day ago: longest OT in the last 3 years with this company. 7hrs. ok lang, hindi kasing stressful ng kumpara sa mga 2hr OTs ko noon sa dating kumpanya.
one week ago: nasa office. working.
one month ago: bakasyon na nito halos. kakatapos lang ng christmas party ng aming business unit. eto rin yung araw na nawala yung mumurahin kong sun glasses. kahit 300+ lang yun gusto ko yun, di na ko makahanap ulit ng kaparehong style.
1 year ago: january last year, promotion month. yung good news na yun ang isa sa mga bagay na pampabalanse ng buhay. medyo hindi mabait sa kin ang 2012 sa iba't ibang aspeto. yung promotion na yun ang isang bagay na na nagsabi sa kin na kahit papaano ay may na-achieve ako.
5 years ago: hindi ako positive, pero this month last 2009 ata yung oras na nagpunta kami ng dumaguet-siquijor. eversince isa na ang dumaguete sa nagustuhan kong probinsya.
10 years ago: sinimulan ko ang blog na ito. unang taon ko sa pagiging empleyado. sa pinaka "basic" din pala ako nagsimula noon. isang contract employee at minimum wage earner. ang mga responsibilidad ko nun ay pang admin. taga-photocopy. taga-scan. taga-check ng mga test paper at isang all around utusan ng maliit na department sa cml.
15 years ago: senior ako sa highschool. huling beses na bumisita ako sa sinilangang bayan. noon, nagde-desisyon ako kung saan ko gustong mag-college. at kung anong course. iisa lang naman ang pinag-exam-an ko. dlsu-d. ang course ko? comp sci. iyon daw kase ang "in demand" nung panahong iyon.
20 years ago: huling taon ko bilang isang "resident" ng baguio.