clean cut na ang buhok ko ngayon, yung mop head kong gupit napalitan na ng maikli. ang mala-pornstar kong bigote at balbas araw araw ko nang inaahit. medium na ang size ng isinusuot kong mga t-shirt instead of yung nakagawian na XL. new look? oo, para maiba naman. natatae kase ako tuwing nakikita ko yung pagmumukha ko sa salamin.

pang-24 na beses ko nang nag-birthday nitong nakaraang thursday. eksaktong alas kwatro ng hapon nung araw na iyon ay may 12,441,600 minuto na kong naglalaboy sa earth. kung bawat minuto pala nagiipon ako ng piso kaya ko nang bumili ng bahay sa alabang. ang labo.

24 years old... matanda na ba ko? hindi pa. yung mga stars na kumukutitap sa gabi yun ang matanda. isipin mo kapag nakita mong nag-twinkle yung star na tinititigan mo ibig sabihin mga ilang million years ago na siya na nag-twinkle, ngayon mo lang nakikita. ang galing no? minsan iniisip ko pano kaya pag yung star naging pwet tapos napa-utot ito nung bandang panahon ng noah's ark, panahon na kaya ng mga hapon saka pa lang magtatakip ng ilong ang mga tao? shet, ang corny. mas corny pa kesa dun sa "knock, knock... who's there? ako maba..." joke. pero pagbigyan niyo na ko dahil birthday ko naman.

ang isang life sentence ay 50 years. tama ba yang pinagsasabi ko o guni guni ko lang na 50 years talaga yun?!? basta yun yung alam ko 50 years. so kung ganun nga nangangalahati na pala ako, halos.

sa 24 years na nakalipas marami rami na rin ang mga kwentong naipon tungkol sa sarili ko. nais ko itong ibahagi sa iba kahit hindi naman ganon ka ROYGBIV ang buhay ko. hindi ko pa nararanasan na ikwento ang mga pinaggagagawa ko nung kabataan ko. pagkakataon ko na gawin ito sa pamamagitan ng pagbo-blog. sa taong ito mas itutuon ko ang mga post ko sa days of yester-years kesa sa mga not so past events, "the wonder years" kuno.


*** sinadya ko gawing napaka-"random" ang pagkakasulat ng post na ito.