ano na kaya nangyari dun sa bully boy nung elementary ako? malamang hindi nakatapos yun. baka nakabuntis yun ng maaga. o kaya naman nakulong. pwede rin naging adik. eh kung nagbalik loob siya sa Diyos? malabo.

meron akong kaklase nung elementary na wala nang ginawa kung hindi mang-aberya at makipagsuntukan. daig pa kamo ang boksingero, every week siya may laban dun sa likod ng cathedral. 42 wins, 3 loses, 0 draws.

tahimik lang ako sa klase kaya ilang buwan muna ang lumipas bago niya napansin na masarap pala akong pagtripan. nai-spot-an niya siguro ako nung wala na siyang makaaway dahil lahat ng nakasuntukan niya ay katropa na niya.

at ayun, ako na nga ang naging prey nitong sinasabi kong bounty hunter. ayun, nagsimula sa pambabara. sumunod ang pangongotong ng paper, tapos pangongotong ng ballpen. hindi huminto hanggang umabot sa araw araw na pangiinsulto na kapag umalma ka masusundan agad ng hamon ng suntukan.

trivia: "sport" - tawag sa suntukan sa baguio. (e.g. "yabang mo ha! ano SPORT tayo?"). i shit you not, pero yan talaga ang paraan ng paghamon ng suntukan sa baguio. hindi ko nga alam ang history kung san nanggaling ang term na yan.

pag ako hinamon ni bully boy ng "sport" hindi ako lumaban, masakit kaya masaktan. wag na no! kung magka black eye ako malaking kawalan yun sa kagandahang lalake ko, eh siya kahit masagasaan ng pison wala namang ipagbabago sa itsura. at tsaka isa pa, "bakal boys" (yes, with an "s") yun kaya mis-match na agad.

hanggang mag-summer hindi natapos ang pantitrip sa kin.

tanda ko siya naglagay ng bunot sa loob ng bag ko. malakas rin ang kutob ko na siya yung nagnakaw nung isa dun sa micro machines kong dinala sa school. siya lang naman nagnanakaw sa klase namin eh. kahit yung baon kong lunch ninanakawan niya ng ulam. oo, nagtatanim ako ng sama ng loob. sino ba naman ang hindi mababadtrip kung gutom na gutom ka na at pagbukas mo ng tupperware dalawang hibla lang ng porkchop ang naiwan?

pasalamat siya, lumipat ako ng laguna nung high school kung hindi siguradong nabanatan ko siya pina-baranggay ko na siya. pasalamat din ako dahil napunta ako sa isang lugar na walang bully pero puno ng sosyalista na mas masahol pa ang ugali kesa sa sampung alagad ni bully boy na pinag-combine.

eto ang tanong. kung makita ko kaya si bully boy ngayon? kaya ko na kaya bigwasan ng isa yun? umubra pa rin kaya yung pagiging "bakal boys" (yes, with an "s" again) niya? hmmmmm... eh kung hampasin ko kaya ng plantsa pag nakatalikod?!? wag, bad. bad!!! pag nakaharap na lang para hindi back stab. nyahaha.