late naman kase ang naging warning nung mga intsik na counterpart namin sa taiwan. sabi nila wag daw kumain ng manok sa new years eve dahil magiging "isang kahig, isang tuka" ang buhay namin sa 2007. dapat pala henry sy o lucio tan na lang sana ang pagpaplanuhan naming ihain sa bisperas ng bagong taon.

hindi nga kami nakakain ng manok kagabi pero hindi iyon dahil sa warning ng intsik.

bumili ng 35 na sisiw ang mga kabarkada ko dito nung november 5. sakto sana yun na 45 days pagpatak ng pasko, 52 days pag dec 31. ibebenta sana lahat ng karne tapos yung mga isaw, atay, lamang loob, helmet, leeg, at paa gagawi sana naming pulutan.

dalawang manok sana ang ipapakatay ko don pero hindi natuloy. buhay pa sila lahat hanggang ngayon.

may lahing hobbit yata yung nabili nilang klase kase puro bansot at masyadong maliit para katayin. hindi na nga ko kumuha kase nakakahinayang at parang kukulangin kung lima kami dito sa bahay ang maghahati-hati sa dalawang manok na kasing laki ng kalapati.

naghanda na lang kami ng prutas, maraming maraming prutas. ang lambot tuloy ng ebs ko ngayon.

happy new year sa lahat.