1st stop... saud beach.

maganda dun kaya nga lang malalakas ang alon at hihilahin ka ng current papuntang taiwan. mga limang hakbang pa lang mula sa shoreline hanggang dibdib na agad ang lalim ng tubig kaya medyo delikado. kung hindi kayo marunong lumangoy kagaya ko extra ingat ang kinakailangan.

actually marunong naman ako lumangoy... pero after 5 mins hindi na.

cost
entrance fee: 60.00php
cottage: 500.00php (compulsary na mag-rent ng cottage kapag magsu-swimmming at hindi ko maintindihan kung bakit)





next stop maira-ira beach aka the blue lagoon.

after 1 hour ng pamamalagi sa saud beach isang local resident ng resort ang nag-rekumenda ng isang napakaganda daw na beach. uto-uto kami kaya sumunod naman kami sa payo nung misteryosong tao.

at buti na lang uto-uto kami...

mahirap mahanap ang blue lagoon, dadaan pa kase sa mapuno at mabundok na lugar bago makarating sa nasabing beach. mga 30 mins yata muna kami naligaw bago nalaman ang tamang daan papunta dito.

at pagkarating sa lagoon ang nasabi namin lahat "wow ang gandaaaaaaa!!!!!", yun lang.

mas maganda ito kumpara sa unang napuntahan, mas pino ang buhangin at halos walang alon. maligamgam ang tubig kaya masarap magbabad. nagsisisi nga kami dahil kapos na sa oras para makapag enjoy sa lugar na iyon, sana nalaman na namin ng maaga talaga.


cost
FREE!!! LIBRE!!! ang tanging babayaran lang ay 5.00php kung gusto makigamit nung cubicle na gawa sa kahoy para makapag banlaw.