na-invite ako sa isang "white party" nitong friday night sa cafe ng kaibigan ko. binigyan ako ng free invites. requirement lang is to wear white so nag white shirt at white cap ako. hindi naman na ko hihindi sa libre.

kokonti lang kilala ko nung dumating ako, hindi ko pa mga ka-close kaya nung pagupo ko nag-observe na lang ako sa paligid kung anong party ba meron non.

may bouncer! isa.

ganon pala talaga ang mga bouncer, kelangan malaki katawan tapos fit na t-shirt. tapos kelangan din na laging naka crossed-arms. astig sa trabaho. human scarecrow. panakot sa may maiitim na balak sa party.

after ilang minutes napilitan na rin akong makihalubilo dun sa mga nasa table ko. may pizza eh. may shisha. tapos black label pa! kung magsusuplado ako baka di nila ko patikimin nung mga makamundong bagay na iyon.

habang ine-enjoy ko yung shisha at pizza bigla akong kinalabit ng owner ng resto. i-rescue ko daw yung dj na inarkilahan niya. etong si dj kase kakalimutin yata, naiwan niya yung mga cds niya. ang dala lang ay dalawang disc na ang laman ay mp3 format at tatlong pirasong blank cd. gusto niyang gawin ay i-convert ng cda/wav file yung mga tugtog niya tapos i-burn dun sa dalawang blank disk. cd lang yata ang umaandar dun sa mixer ng mga dj, negative pag mp3.

pagkakita ko sa computer ni resto owner bigla akong nag-time travel. pang early-2000's pa yung pc niya, ginagamit lang daw yun sa excel nung accountant nila. nakakagulat lang dun sa pc kase may dvd writer! i-imagine niyo, abacus tapos kinabitan ng dvd writer. astig!

may dvd writer pero walang nero. eh sa nero lang ako marunong mag burn... kaya pala pawis na pawis na si dj sa kaba kase sa nero din lang siya marunong mag burn. palpak siya kung sakali. buti na lang updated yung media player nung abacus, pwedeng mag-burn. kung hindi kase uuwi pa ko para kumuha ng computer. kung yung dj naman ang uuwi para kunin yung mga cd niya baka wala na siyang abutan. sa maynila pa kase siya tapos nasa cavite kami.

so habang nagbu-burn kinwentuhan ako nung dj ng mga pinagkakaabalahan niya. aba bigtimer pala to. tumutugtog daw siya mga bigating lugar. sa embassy. pati sa pier one (yata). pati sa jaipur (din yata). basta sa kahit anong gimikan ng mga kabataan natugtugan niya na daw.

nung natapos na yung mga cd pinaulanan ako ni dj dennis the menace (eto yata yung screen name niya kase yan yung nakasulat dun sa disc niya) ng isang katutak na thank you. gusto ko sana singilin ng parte nung talent fee niya kaso mabait ako kaya wag na lang.

natuloy ang party. nag-perform si dj. house at trance. nakakaindak. yung ulo ng mga tao sabay sabay na nagba-bob.