dapat naka-landing na yung eroplano at dapat nagbabakasyon na ko ngayon. pero hindi. papasok ako sa office para magtrabaho. at magisa lang ako don. salamat sa screwed up schedule ko at nawasak ang mga plano ko sa buhay para sa feb. gusto ko sana magreklamo pero ano pa ba magagawa ko eh isa lamang akong peasant sa kumpanya, wala akong karapatan para magreklamo.

1st time in 13 years ko dapat makakalabas ulit ng bansa. at 1st time ko rin sana sa buong buhay ko mag-a-out-of-the-country at my own expense.

sayang. na-excite pa naman ako kase feeling ko mag-a-ala "lonely planet" na ko sa loob ng tatlong araw. balak ko rin sana bisitahin yung mga kaibigan kong naka-base na ngayon sa hongkong. badtrip talaga.

ang matutuloy na lang na aalis ay ang ate ko tsaka si erpats at ermats. bale naurong ng 1 week ang sked nila kaya sa friday na sila luluwas. papabili na lang ako ng pasalubong sa kanila bilang pampalubag-loob. gusto ko ng authentic haw flakes at shempre sandamakmak na "wong kar wai" movies. nasa ibabaw ng listahan ang "the chungking express" at "in the mood for love".

plano ko pa rin magbakasyon pero malamang hindi na hk. dito na lang. sinabi ko na rin minsan na iikutin ko muna ang pilipinas bago ako magbabalak ng mas malayong lugar. sign na nga siguro yung pagka-cancel na tuparin ko raw yung sinabi ko dati.

hopefully by april may panibagong plano na ko na matutupad.