pinaghalong episode ng i-witness at pagiging turista ang feeling ng photowalk.

1st stop: viewing deck sa harap ng san sebastian gym



sinalubong kami ng mga kabataang gusto magpa-picture. dala nila ang mga laruang baril. minsan pinapaputukan nila ang mga kalaro sa binti. mamimilipit at mangangati ang natamaan. dun sila natutuwa.

2nd stop: ship yard



dito inililibing ang mga bangkang hindi na magagamit. puno ng basura ang paligid. kinailangan ng matinding pagiingat sa paglalakad para hindi ka makatapak ng kung anong makakasakit sa iyo. nakakapagtakang naka-paa lang ang ibang mga bata.

3rd stop: misteryosong tore



dito ako kinabahan ng husto. sa cavite city may matatagpuang sinaunang tore na napapaligiran ng bahay. pagkalitrato sa tore nagalit ang mga matatandang residente dito. urban legend daw na tuwing may kukuha ng litrato nung toreng iyon may namamatay sa lugar nila. konsensya pa namin tuloy kung may masamang mangyari (katok sa kahoy).

nang itanong namin kung ano ang gamit ng toreng iyon, wala daw nakakaalam.

4th stop: pagawaan ng lambat



mas nakuha ng dalawang batang nanghuhuli ng uod ang aming atensyon. ginagamit ang mga iyon bilang pain ng fishing rod.

last stop: sunset sa break water



ganon pala yun kabilis. in a span of 3 mins or less wala na agad sa paningin namin ang papalubog na araw. madalang ako makakita ng sunset, maswerteng inabot namin ito. at lalong naging extra special ang sunset sa presence ng malalaking ibong lilipad lipad sa paligid at mga silhouette ng mga bangka at tao sa break water.