wala kayo sa kakilala ko, kahit nakatambay lang araw araw sa kwarto alam niya ang lahat ng bagay. dalubhasa sa relihiyon. ekspreto sa pulitika.

nakwento niya nga sa kin minsan na niloloko lang ng amerika ang buong mundo. na pakana lang ng mga amerikano ang mga giyera at pangyayari sa mundo para sila ay makinabang. ang galing. yung mga top secret na plano ng us hindi secret para sa kanya.

tapos nung minsang napinsala ang japan naging eksperto na rin siya sa end of the world. ang galing ulit.

eto pa matindi, marami siyang alam sa mga itinatagong alien technology ng us. at isang tingin lang sa video sa youtube alam niya na fake na agad ang mga ufo sightings. 'tho para sa kin ufo pa rin nga naman yun kase unidentified naman talaga. di lang alam kung man made o hindi. pero siya alam niya.

at nang nabalitang napatay na si bin laden alam agad niya na hindi pa talaga namamatay si bin laden. pakana lang daw ng mga amerikano yun. hanep, daig pa ang CIA at FBI at Pentagon at secret services na pinag sama sama. partida, nasa kwarto pa lang siya nun.

pero sa dinami dami ng kanyang alam may dalawang bagay na obvious na di niya alam. una, ang tamang english grammar. pangalawa, ang tulungan ang sarili at magtrabaho para hindi na umasa sa magulang.