kanina may natanggap at nabasa akong email sa yahoo groups tungkol sa isang hate group para sa isang sikat na pangkat sa pilipinas na hindi ko naman naa-appreciate. eto naman ako na tatanga-tanga at nagtanong kung bakit kailangan pa gumawa ng mga bagay na ganon na sa tingin ko ay sumasalamin sa crab mentality.

in less than 15 mins nabasa at nasagot na agad ng nag-post nung email yung tanong ko at nabigyan ako ng isang malaking lecture tungkol sa "demokrasya" at "freedom of speech". at nabanggit sa tugon niya na yung hate mail ay makatuwiran naman daw, maganda o pangit man tingnan, dahil nasa demokratikong bansa tayo. may iba pang mga malalalim na salitang ingles na isinulat yung author na hindi ko na maintindihan, nagpapatunay na matalino nga siyang tao at alam ang tuwid sa mali.

nasindak na ko kaya hindi na ko nagreply ulit. nilapagan na ko ng "freedom of speech" at "democracy" eh, ano pang ilalaban ko dun. kumbaga sa pusoy dos binabaan na ko ng par dos diamond at dos heart.

speaking of "democracy" and "freedom of speech", napansin ko lang na kung minsan abuso na talaga ang paggamit sa dalawang salitang iyon. sa tv, nakikita ko na ginagamit ito ng mga tao bilang "immunity idol/immunity necklace" para makalusot sa mga pinaggagagawa nila.

well ganun talaga, tao lang naman ang gumawa sa konsepto ng demokrasya at hindi maiiwasan na may mga loop holes ito na pwedeng i-exploit ng kung sino man at gamitin para gumawa ng hindi magagandang mga bagay.

lesson for the day: 'wag pakialamero kung mapapahiya rin lang.