sa pagoobserba sa mga kung ano anong produkto na ibinebenta sa telebisyon, natutunan ko na ang wastong pagkuha ng before and after shots. dapat sa before nakasimangot na hindi maipinta ni picasso ang itsura ng mukha, sa after naman dapat naka todo ngiti na parang ikaw na ang pinakaswerteng tao sa mundo dahil malaking pagbabago ang naidulot ng kung anong produkto (tulad ng super million hair) sa buhay mo.

shempre mawawalan ng saysay ang mga natututunan ko sa tv kung hindi ko ito ia-apply sa daily life. kaya eto...

BEFORE




AFTER




nagpagupit ako, lagi na lang kase natutusok ang mata ko pag naglalaro ng badminton at basketball. nakakantiyawan naman ako kapag nagsusuot ako ng headband dahil mga magagaling lang yata ang may karapatang magsuot ng mga ganong bagay. para wala na lang away ipinatabas ko na ang buhok ko. hindi ko na papahabain ang buhok ko nang katulad ng kay ghandalf. gusto ko sana mag mala 80's rockstar pero saka na yun, basta ang mahalaga ngayon makapaglaro ako ng sports ng maigi.

ang kaisa-isang side effect lang naman ng pagpapagupit ko ay simula huwebes hindi ko na pwedeng idahilan na natutusok ang mata ko ng buhok kung matalo kami sa badminton.