2:00am sa relo ng computer, gising pa ko. magrereport ako sa mga amerikano mamayang 8:00 ng umaga tapos nagpupuyat ako.

gising pa ko kase kinakailangan ko abangan at gawin ang isang importanteng transaksyon para hindi ako masermonan sa opisina bukas.

may good news at may bad news.

bad news muna, ayaw gumana ng internet sa laptop ko para sa trabaho (dahilan para hindi ako makaiglip kanina kahit sandali). tinawagan ko na ang smart at makalipas ang bente minutong panguuto nila sa kin kung pano paandarin ang internet ay walang nangyari. naputol ang tawag tapos hindi na ulit ako maka-connect sa linya nila. nananadya ba sila? watdapak!

good news naman, tinawagan ko ang kaopisina ko para tingnan kung pwde niya gawin ang dapat kong gawin at agad naman siyang nagising para tumulong. buti na lang umandar agad ang internet sa kanila kaya nagawa niyang tapusin ang trabahong pang opisina na hindi naman bayad. yehey!

eto na lang problema ko ngayon, pano ako mananatiling gising sa opisina bukas? antukin na nga ako tapos pupuyatin mo pa ko. baka tutuka-tuka nanaman ako sa monitor ko mamaya? ilang sachet ng extra joss nanaman kaya ang titirahin ko nito? bahala na. the show must go on. ang mahalaga nagawa yung dapat gawin at wag sana ako masermonan mamaya.

ngayon may apat na oras ako para magpahinga, gud luck sa kin mamaya.