last week ko pa balak bumili ng XD card para sa camera ko pero wala pa kong budget nun kaya nag-canvass na lang muna ako. sa sm dasma iisang store lang dun ang nagbebenta nito at 2gigs lang ang available nila. nung tinanong ko kung magkano ang presyong binigay nung salesman ay 2800php. sabi ko babalikan ko na lang sa susunod na linggo.

kahapon binalikan ko yung store para i-check kung may stock pa sila. swerte ko at may ilang piraso pa raw na available. nung tinanong ko ulit kung magkano ang 2gigs, ang presyong binigay naman sa kin ay 3000php naman daw. ang labo!!!

kanina ako bumalik ng may dalang pera para bilhin yung card, 3000php ang dinala kong pera para sigurado. pag dating sa store tinanong ko ulit kung magkano yung 2gigs, nagulat ako kase 3500php daw ang presyo nito. putcha, isang araw lang pero 500 pesos na ang itinaas ng presyo. nanigurado ako at nung tinanong ko kung bakit kahapon 3000 lang yun ang sagot nila 3500 daw talaga. so no choice na ko kaya sabi ko na lang magwi-withdraw ako ng kulang ko tapos babalik ako.

pagkabalik sa computer store sinabi ko agad dun sa salesman "kukunin ko na tong 2gigs". tanong niya sa kin "magkano ba sabi sa yo nung kasama ko kanina?", sagot ko "ewan". nagtanong siya sa cashier at nagpaprint ng resibo. nung siningil ako laking gulat ko na ang tunay na presyo pala nung 2gig XD card ay 2400php lang. mas mura ng 1100 kumpara sa sinisingil sa kin wala pang 30 minutes ang nakalilipas.

masaya ako dahil hindi ako nalugi, muntik pa kong maperahan dun.

isa pang ikinasasaya ko ay nagkaron ako ng budget para bumili ng sale na shorts at tatlong pares ng medyas na matagal ko nang kinakailangan.