lumabas na ang resulta ng annual medical exam namin. konting bad news. napasama ang pangalan ko sa listahan nung mga may diperensya sa katawan. napareport tuloy agad ako sa clinic.

sabi ni doc ay may tendency na daw ako maging high blood. di nga ako makapaniwala kase ang alam ko nung college halos anemic ako. isa pa, ang pagkakaalam ko kapag high blood ka mabilis uminit ang ulo eh hindi naman ako ganon.

o well, wala tayong magagawa ganun ang resulta eh. alagaan ko na lang ang sarili ko. sundan ko na lang yung payo ng doc na iwasan ang mamantika at maaalat na pagkain. sana nga yun lang ang ipagawa sa kin eh, ayaw ko kase nung may gamot gamot pang iniinom dahil magastos yun.

inumpisahan ko na kahapon ang regular na pagreport sa company clinic. bale every other day pupunta ako dun sa umaga para i-monitor nila yung blood pressure ko. baka gawin ko rin yun dito sa bahay para kunwari concern talaga ako sa sarili ko. meron namang pangkuha ng bp si mama eh. hehehe, dati pinaglalaruan ko lang yun eh.

-oOo-

may sikret ako, atin atin lang. yung electronic na pangsukat ng bp ni papa dati, ako yata ang nakasira... hindi ko naman sinasadya yun.