jasper jean ang tatak ng mga bus na sinasakyan mula sa min papuntang edsa. swerte pag bago ang nasakyan mo kase yung mga luma ay kilalang pugad ng mga maliliit na ipis.

bago ang nasakyan naming bus nung isang gabi kaya masaya ako. mabango, malinis, at higit sa lahat walang ipis. may bonus pang vcd on board. ok yun dahil may paglilibangan, expected ko kase mahaba ang biyahe dahil biyernes nun at malamang traffic.

hindi yung usual van damme o old school jet li film ang palabas sa bus. tagalog. si jeric raval yata yung bida... tinulugan ko.

pero bago makatulog napanood ko ang ilang bahagi nung pelikula.

sa simula, habang nasa bus papuntang probinsya, ipinagtanggol ni bida ang isang babae sa mga manghihipong siga.

nakatulog ako...

pagkagising ko mag-on na yung bida tsaka yung babaeng binastos ng mga siga.

nakatulog ulit ako...

sunod na gising ko, sinusugod na ng bida magisa yung warehouse kung saan nandon yung private army ni subas herrero. sa sahig lang tumatama ang mga bala ng kalaban.

nung naubos yung mga kalaban nag-hang na yung vcd... pirated. bumalik sa bandang gitna yung pelikula.

inilipat na sa marimar yung palabas.