laking gulat ko nang pagtingin ko sa "who's viewed me" list ng friendster account ko ay may nag view sa kin na ang primary picture ay ako.

ni-search ko sa search (redundant) ang pangalan ng nanggagamit ng litrato ko at nadiscover ko na hindi lang pala once na nanakawan ako ng litrato. may dalawang account si "red belleza" na picture ko ang primary pic. yung isang account inactive since 2006, yung isa yung nag-view sa kin recently.

walandyo, meron pa palang taong magtatangkang piratahin ang larawan ko para gumawa ng bulaang friendster account. tae nya! alam kong makapal mukha ko pero hindi niya ito pwedeng ipang-front ng basta basta at walang paalam. pano na lang kung may nakaaway yung account na yun sa friendster na mangkukulam? edi yung picture ko pa ang nakulam. problema ko pa kung saan at kanino ako magpapa-tawas.

inireport ko na ang insidenteng ito sa friendster at wala pang 24 oras nakatanggap ako ng reply galing sa kanila na nagsasabing gumawa na daw sila ng aksyon tungkol dito. sana totoong suspended na yung mga account na yon dahil kung hindi... kung hindi... kung hindi... wala. wala naman akong magagawa, patuloy lang akong makakaramdam ng pagkainis.