nagtitipid ang office kaya bawal na ang over time pag weekends.

para hindi mawalan ng tao sa opisina kapag sabado at linggo ni-require ang ilan sa min na mag off-set at i-swap ang isang weekday pasok sa isang araw sa weekend. isa ang tatao sa sabado at isa rin sa linggo.

ako ang naatasan na pumasok pag sabado. "get some, lose some" situation.

pabor para sa kin kase parang humaba ang weekend ko. pag normal schedule, ang bakasyon ko lang ay saturday and sunday. sa sked ko ngayon lumalabas na pwede kong i-enjoy ang sabado nights tapos meron pa kong sunday at monday rest. so ano pagkakaiba? parang wala pero malaki actually. iba kase ang friday night sa saturday night. pag friday umuuwi ng bahay ang mga tao, pag saturday lumalabas sila. ibig sabihin mas maraming pwedeng gawin pag sabado.

isa pang dahilan kung bakit masarap pumasok pag weekend ay wala masyadong tao sa opisina. wala rin ang mga counterpart namin sa india at amerika. nasa bahay ang mga boss so mas konti ang pressure. mas madali mag-concentrate sa trabahong ginagawa.

ang bad trip sa pagpapalit ng schedule ay nasira ang mga plano ko para sa buong buwan. balak ko kaseng sumama sa mga magulang ko at ate para magbakasyon. kasama sa bakasyon bibisitahin ko rin sana ang mga kaibigan kong matagal ko nang hindi nakikita. masama ang loob ko nung nagtext ako sa ate ko na wag na ko ikuha ng ticket, gusto ko kase talaga sumama.

simula bukas or mamaya technically mararanasan ko na ulit kung ano ang feel ng buhay sa labas ng opisina kapag regular weekday.