tumama ako sa lotto nung sunday! hahahaha! tatlong number ko ang lumabas. may prize pa rin kahit papaano, 20 pesos yata. pwedeng ipangtaya ulit next time.

kuya ko nagturo sa kin mag bet sa lotto. dati nakikipila lang ako sa kanya tapos one time sabi ko "ako rin nga, baka sakali" at ayun natuto na ko.

isang beses, college pa yata 'ko nun, nagpataya yung lola ko sa kin. hindi pa ko marunong nun. ang ginawa ko ay sa bawat isang set isang number lang ang nilinyahan ko. mali pala yon. pahiya tuloy ako sa kahera. aba malay ko ba, anim yung set tapos anim rin yung number na pipiliin eh.

tutal tayaan na rin lang ang pinaguusapan babanggitin ko na rin 'to.

first time ko lang kaninang lunch makakita ng tunay na kubrador ng jueteng. mabilis kase ako natapos kumain kaya tumambay muna ko sa gate nung karinderya habang hinihintay ko yung mga kaopisina ko. doon may isang mama na tumataya. sinilip ko pa ng konti yung papel nung ale. nakakapagtaka kung pano niya natatandaan yung mga tumataya eh puro number lang naman ang nakasulat tapos ang dami pa.

naalala ko agad kanina si gina pareno na main character ng kubrador. parehong pareho kase sila nung ale umasta. may dalang bag, may dalang payong, may ballpen tsaka papel na naka-fold ng length-wise.