si claire wong. purong chinese na isinilang sa pilipinas. hindi marunong mag-mandarin o kahit anong lengwaheng pang chino.

dahil masunurin si claire pumayag siya sa plano ng magulang magkaron ng fixed marriage. simula nun nagbago na ang buhay niya. nalosyang na siya. taong bahay. sunud-sunuran sa asawang hindi niya naman mahal. mahirap pero kelangan niyang panindigan yun.

housewife si claire. naging takbuhan rin ng mga kapatid tuwing may kailangan. taga-gawa ng mga hindi na kayang gawin ng mga taong busy.

'di nagtagal nagmistulang high ranking helper na lang siya sa tahanan nila. almost taken for granted. kahit na college graduate sa exclusive school hindi na rin siya nakakatanggap ng pagtingin na tulad ng sa isang taong nagta-trabaho sa aircon na lugar. housewife siya, kelangan niyang panindigan yun.

tanging pride na lang niya sa buhay ay ang pagiging magaling sa pagluto. dito walang kumokontra sa kanya. naglilista pa lang ng bilihin nagiibang tao na siya. ang pagiging matahimik at matiisin napapalitan ng confidence at sense of control. alam niyang bida siya.

nasa tuktok siya ng mundo tuwing siya ay namamalengke. sa palengke importanteng tao siya. kaharian niya yun. nirerespeto ng mga tindera... marami kase kung bumili.

sa pagluluto lumiligaya ang buhay niya.

pero matapos mabusog ang mga taong papakainin alipin na siya ulit.