nabanggit ko last post na nagi-gym na pala ako diba. 2-3 times a week ako kung pumunta sa m3tr0club para masunod ang program na binigay sa kin ng isang kaibigan.

huling beses ko na bisitahin ng regular ang lugar kung saan ako naggi-gym ay nung summer season pa 20 years ago. swimming lessons naman ako nun, in-enroll ako ni erpats. incoming grade 4 student ako at nagbabakasyon sa maynila.

more than a month ata na araw araw akong matiyagang inihahatid ni ermats mula shaw boulevard papuntang estrella street para mag aral lumangoy. naaalala ko na uso pa nun yung metrobus na madalas naming sakyan at wala pang nakaharang na mrt sa gitna ng edsa.

kumpara sa ibang mga bata mas mataas ang level ng kaduwagan ko sa sa mga bagay bagay. kasama na dun yung malalim na swimming pool. siguro naka ilang beses din na kinailangan akong itulak ng instructor para lumangoy sa 9ft na swimming pool. consolation, natuto ako lumutang sa tubig pero di pa rin ako naging magaling lumangoy.

madalas naikukwento sa kin ni erpats na meron daw isang beses na kinailangan naming makumpletong languyin yung isang buong length ng swimming pool. pasikreto niya raw akong pinapanood sa malayo habang pilit kong nilalangoy yung kahabaan nung pool. akala niya hindi daw ako aabot.

hanggang sa araw na ito hindi ko pa rin ma-gets kung ba't niya kelangang magtago sa malayo para lang panoorin yung success ko. :)


***

matagal nang down yung server na naglalaman ng mga picture files ko para sa blog na ito pero di ko pa rin inaayos. kita naman na wala na yung profile pic kong nakaupo katabi ang "bawal umupo dito" na karatula at yung header kong nakalagay "weblog ni ace". siguro kapag may oras na akong mag corel draw saka na ko gagawa ulit ng bagong banner.